有唔少人會叫我幫手同業主講價，當然我唔會咁做。另外有人會叫surveyor做起個report之後幫手講價，當然人哋都唔會咁做。
我哋分析過係西方人眼中，香港人係有咩特徵。其中一項就係成日講價。當然律師費都會講一餐。
對住我哋講價唔緊要，但係人哋國家，係人哋文化入面就真係唔太喜歡講價。出咗survey report, 覺得有問題你應該唔買而唔係壓價。所以local會唔明白點解香港人會有呢個習性。
融入社會對新移民嚟講都係重要一環。香港人現階段最重要嘅係做好香港人嘅招牌，盡量俾少啲負面形象人哋。
